လုပ်သက်ရမှတ်တွက်နည်း

ဒီနေ့ ....... ၃၁-၅-၂၀၁၅(စနေ)နေ့ မနက် (၅နာရီ၃၀မိနစ်)

ဒီနေ့နံနက်ခင်းလေးက ကျနော့ကို ပျော်ရွင်လန်းဆန်းစေပါတယ်။ ရူးတယ်ပြောပြော..ကြောင်တယ်ပြောပြော..ပေါတယ်ပြောပြော။ ရပါတယ်။ ကြိုက်သလိုဝေဖန်ပါ။

ဟီး ....... ကျနော်ကတော့ ဒီ POST လေးနဲ့ တေးထားလိုက်ပါတယ်။

မနေ့က ဇင်မာက excel ဖိုင်တစ်ဖိုင်မေးလ်ပို့ပြီး လုပ်သက်ရမှတ်တွက်ချင်တယ် စစ်ပေးပါလို့ Facebook ကနေလှမ်းပြောတယ်ဗျ။ အောက်က သူပို့လိုက်တဲ့ဖိုင်ပါ။ လုပ်သက်ကိုတွေကို နှစ်နဲ့ လအထိ DATEDIF နဲ့တွက်ထားပါတယ်ဗျ။ အဲတော့ လက်နဲ့တွက်တဲ့အတိုင်းအတိကျထွက်ပါတယ်။ ဒါပေမဲ့ ထွက်လာတဲ့ နှစ်နဲ့ လရဲ့နောက်မှာ "နှစ်" တို့ "လ" တို့ကိုပေါ်စေချင်လို့ & နဲ့ (နှစ်/လ)ဆိုတဲ့စာသား ဆက်ခိုင်းထားတယ်။

 

အဲတော့ လုပ်သက်တွက်ဖို့ ၃နဲ့မြောက်တာတို့ ၂ နဲ့မြှောက်တာတို့လုပ်လို့မရတော့ဘူးလေ။ (နှစ်/လ)ဆိုတဲ့  စာကပါနေတော့ TEXT ဖြစ်သွားပီး တန်ဖိုးကို ကွန်ပျူတာက မသိနိုင်တော့ပါဘူး။

အဲဒီပြသနာကိုရှင်းတာလွယ်ပါတယ်။ တန်ဖိုးလဲမပျက်စေချင်ဘူး... (နှစ်/လ)ဆိုတဲ့စာလဲပေါ်နေစေချင်တယ် ဆိုတဲ့ပြသနာလေ...

ကျနော် ... ဒီနည်းနဲ့ရှင်းလိုက်ပါတယ်... ပထမဆုံး & နဲ့ ဆက်ထားတဲ့ "နှစ်" ကိုဖြုတ်လိုက်ပါတယ်။ ဒါဆို(နှစ်)ဆိုတဲ့စာက မပေါ်တော့ဘူးနော....

အဲဒါလေးပေါ်ချင်လို့...  (အဝါရောင် Cell H6 )ရဲ့format ကို အောက်ကအတိုင်း သတ်မှတ်လိုက်တယ်...

General ကိုတော့သိမှာပါ။ အဲနောက်က မျက်ခုံးဖွင့်ပိတ်ထဲမှာ မြန်မာယူနီကုတ်နဲ့ "နှစ်" ဆိုတဲ့စာကိုထည့်ထားပါတယ်။ လအကွက်အတွက်ဆိုရင် "လ" ထည့်ရုံပဲနော။

အဲလို format သတ်မှတ်ပေးလိုက်ရင် ထွက်လာတဲ့နှစ်က "နှစ်"ဆိုတဲ့စာသားပေါ်နေပေမဲ့ တွက်လို့/ချက်လို့ရနိုင်တဲ့ ကိန်းဂဏန်း (number)တခုဖြစ်နေပါမယ်။ လကိုလဲ ဒီလိုပဲသတ်မှတ်လိုက်ပါတယ်။ အင်း ပြသနာတခုတော့ပီးပီ။

လုပ်သက်ဆက်တွက်ရအုံးမယ်လေ...

လုပ်သက်တွက်ဖို့ ပေးထားတဲ့ဇယားက လက်ရှိရာထူးနဲ့ ပညာရေးဌာနစတင်ဝင်ရက်ဆိုပီး ရက်စွဲနှစ်ခုပဲပေးထားတာနော။

အဲတော့ ... လက်ရှိရာထူးကို လုပ်သက်စတွက်ပြပါမယ်။

ကျနော်တွက်မည့်ဖော်မြူလာက လက်ရှိရာထူးဝင်ရက်ကို သတ်မှတ်ရက်(၃၁-၅-၂၀၁၅)ရက်နဲ့နုတ်ပီး ထွက်လာတဲ့ နှစ် ကို (၃)နဲ့မြှောက်.... ထွက်လာတဲ့လကို (၆)လနဲ့ (၆)လအထက် ကျော်ရင် (၃)မှတ်ထည့်ပေါင်းပေးမယ်။ မကျော်ရင်တော့ ဆောရီးပါ လုံးဝမပေါင်းပါဘူး။

အရင်ဆုံး....

G6 မှာရှိတဲ့ လက်ရှိရာထူးအလုပ်ဝင်ရက်ကို H6 မှာ   =DATEDIF(G6,DATE(2015,5,31),"Y") ဆိုတဲ့ဖော်မြူလာနဲ့ လက်ရှိရားထူးရဲ့ လုပ်သက်နှစ်ကိုတွက်ပါတယ်။ ပီးရင် အပေါ်မှာပြောခဲ့တဲ့အတိုင်း FORMAT သတ်မှတ်ပါ။ နှစ်ပေါ်စေချင်လို့လေ...နော..

နောက်ပီးမှ G6 မှာရှိတဲ့ လက်ရှိရာထူးအလုပ်ဝင်ရက်ကိုပဲ I6 မှာ =DATEDIF(G6,DATE(2015,5,31),"YM") ဆိုတဲ့ဖော်မြူလာနဲ့ လုပ်သက်လကိုတွက်ထုတ်ထားပါတယ်။   လပေါ်ဖို့တွက် FORMAT သတ်မှတ်ပါ။

ပီးရင် လက်ရှိရာထူးရဲ့လုပ်သက်ရမှတ်ကို အောက်ကပုံအတိုင်း တွက်ပြပါမယ်။

လက်ရှိရာထူးလုပ်သက်ရမှတ်ကို T6 အကွက်မှာ အရင်တွက်ပြမယ်နော။ ပုံကိုကြည့်ပါ။ T6 အကွက်ကိုရွေးထားလို့ ဖော်မြူလာဘားပေါ်မှာ ထည့်ထားတဲ့ဖော်မြူလာကို   မြင်နေရပါတယ်။

=(H6*3) က လက်ရှိရာထူးလုပ်သက်(နှစ်)ကို (၃)နဲ့မြှောက်ထားတာ။  ၂၇နှစ်ကို ၃နဲ့မြှောက်ရင် (၈၁)မှတ်နော...

ပြီးတော့ လကိုတွက်ပြီးဆက်ပေါင်းမယ်။ လကိုတွက်တာ ၆လနဲ့ ၆လအထက်ရမှ (၃)မှတ်ပေးမယ်...မရရင် ဘာမှထည့်မပေးဘူး ဆိုလို့  +IF(I6>=6,3,0) ဆိုတဲ့ဖော်မြူလာနဲ့ထပ်ပေါင်းထားပါတယ်.... ရှင်းပါတယ်နော...... easy going ပါ။ ခုတွက်တဲ့လက ၇လရှိ နေလို့ (၃)မှတ်ထပ်ပေါင်းပေးရင် .... စုစုပေါင်း (၈၄)မှတ်.... ဝိုး...ကွက်တိပဲနော....

အရင်က ကျနော်တို့တတွေသုံးနေတဲ့ဖော်မြူလာက ကွက်တိမထွက်ပါဘူး။ date နှစ်ခုကိုရိုးရိုးနုတ်ပြီး ၃၆၅.၂၅ နဲ့စား (၃)မှတ်နဲ့မြှောက်ခဲ့ကြတာလေ...ဟဲ... ဒသမလေးတွေတသီနဲ့... လက်တွက်ထက် ရက်၂၀ကျော်လောက်ပိုနေလို့ အမှတ်ကလဲ လက်တွက်နဲ့ ကွက်တိမထွက်ခဲ့ဘူး... ဒါပေမဲ့ ဒါနဲ့ပဲနှစ်ပါသွားနေကြရတာလေ.... နော...

ခုမှပဲ...ဟဲ...ဇင်မာ ပြသနာရှာမှပဲ သေချာရှာမိတော့တယ်..... ဇင်မာ့ကို ကျေးဇူးတင်ရမယ်....

ဒါကြောင့် အားလုံးအတွက် ဒီ post နဲ့တင်ထားပေးပါတယ် ... ဌာနအတွက်ပါ ....

ဒါသိလို့ ဒါရလို့ ...... ဘယ်သူမှ အသိမှတ်မပြုပါဘူး (ရာထူးမတိုးဘူး)....လူကြီးတွေပြောတာပါ ....  right?...

ခင်ဗျားသိလဲ ဘာမှမရ... ကျုပ်သိလဲဘာမှမရ...

လူကြီးတွေက သိတာ " ခိုင်းဖို့ ..... ခိုင်းသမျှ အချိန်မီပီးဖို့ ".. ကျန်တာ မသိ...နားမလည်....

ဒါပဲလေ ...ဟဲ

ဘာဖြစ်လို့လဲသိလား.... ပညာရေးလုပ်ငန်းအောင်မြင်ဖို့ တိုးတက်ဖို့ဆိုတာထက်.. သူတို့ နာမည်ရဖို့.... တက်လမ်း ဂွတ်ဖို့ပဲလေ.... တော်ပီ သောက်မြင်ကပ်တယ်.... ပြောတော့ဘူး...

အားလုံးကို တည့်မတ်စေချင်တယ်..ဖြောင့်မှန်စေချင်တယ်.... ပညာရေးဌာနကိုလဲကောင်းစေချင်တယ်....(human resource) လူငယ်တွေရဲ့ တန်ဖိုးမြင့်မားလာ စေချင်တယ် ဆိုတဲ့စေတနာအမှန်နဲ့ပါ ....

တစ်ခုလေးထောက်ပြမယ်နော... ပညာရေးဌာနမှာပေးတဲ့ ချီးမြှင့်တဲ့ ဆုတံဆိပ် တွေရှိတယ်ဗျ(ငြိမ်ပိတို့ အေးချမ်းတို့ ဝန်ထမ်းကောင်း တို့ပြောတာ) အဲဒါ လိုချင်တဲ့သူက လျှောက်လွှာနဲ့လျှောက်ယူရ သတဲ့ဗျာ... အဓိပ္ပာယ်ရှိသလား.. သေချာ စဉ်းစားကြည့်နော ပြင်ပကုမ္ပဏီတို့ NGO တို့မှာ တော်လို့၊ ကြိုးစားလို့ ချီးမြှင့်တယ်ဆိုတာဘယ်လိုပေးသလဲ... တကယ်ရသင့်ပေးသင့်တဲ့သူကိုပေးတာ .. ချီးမြှင့်တာ... ငွေလဲပေးတယ်... ဌာနကအသိမှတ်ပြုတဲ့ဂုဏ်ပြုလွှာတို့နဲ့ ဖြစ်နိုင်ရင်အခမ်းအနားနဲ့ချီးမြှင့်တာ.. ကဲစဉ်းတာစားကြ ပေတော့ဗျာ.. သူတို့ ချီးမြှင့်တယ်၊ ပေးတယ် ဆိုတာက အနှစ်သာရရှိတယ်.. အကျိုးဖြစ်တယ်လေ.. သူတို့ဝန်ထမ်းတွေရဲ့ လုပ်အား တက်လာစေတယ်လေဗျာ.. ခုတော့ တို့ဌာနက လုပ်တာ ဘာအဓိပ္ပာယ်လဲ အနှစ်သာရရှိလား အကျိုးကောဖြစ်သလား..

ကျနော်တော့ ပင်စင်ယူတဲ့အထိ မရချင်နေ ဒီပုံစံမျိုးနဲ့တော့ယူမနေတော့ဘူး.. ဘိုင့်ဘိုင်ပဲ...

ကဲ ဒါတွေထားလိုက်တော့...သင်ခန်းစာဖက်ပဲဆက်ရအောင်နော...

အောက်ကပုံမှာပြထားတယ်နော... အစိမ်းရောင်လေးတွေနဲ့ကိုသတိထားပါ။

ပညာရေးဌာနစဝင်ရက်ကနေ နောက်ဆုံးတဆင့်နိမ့်ရာထူးရဲ့လုပ်သက်ကိုတွက်ထုတ်မယ်..ထွက်လာတဲ့ နှစ်ကို(၂)မှတ်နဲ့မြှောက်၊ လကို (၆)လနဲ့အထက်ဖြစ်ရင် ၂မှတ်ထပ်တိုးပေးမယ် မဖြစ်ရင်တော့ ဒီတိုင်းပဲထားမယ်ဆိုတဲ့ဖော်မြူလာကိုပြထားတယ်နော..

=(DATEDIF(D6,G6,"Y")*2)ဆိုတဲ့အပိုင်းက အလုပ်စဝင်ရက်ကနေ လက်ရှိရာထူးအလုပ်ဝင်ရက်အထိ လုပ်သက်(နှစ်)ကို တွက်ချက်ပီး (၂)နဲ့မြှောက်ထားတာနော..

+IF(DATEDIF(D6,G6,"ym")>=6,2,0) ကတော့ လကိုတွက်ပီး ၆လနဲ့အထက်ဆိုရင် (၂)မှတ်ထပ်တိုးပေးဖို့ မကျော်ရင်မတိုးဖို့ ထပ်ပေါင်းရေးထားတာပါ။ ဟုတ်မဟုတ် လက်တွက်နဲ့ ချိန်ကိုက်ကြည့်ပါ။ လုပ်သက်က (၅)နှစ်နဲ့ (၄)လထွက်တာမို့ လုပ်သက်ရမှတ် က(၁၀)မှတ်နော....

အဲ ဇယားရဲ့အပြင်(ဘေး)မှာမတွက်ချင်ဘူး သတ်မှတ်တဲ့အကွက်[ (၃၁-၅-၂၀၁၅)အထိ လုပ်သက်ရမှတ် ]ကော်လံထဲမှာပဲ  တွက်ချင်တယ်သပဆိုရင် အပေါ်ကဖော်မြူလာနှစ်ခုကို nested လုပ်ပီးပေါင်းတွက်လို့ရပါတယ်ဗျာ။

အောက်ကပုံမှာကိုကြည့်လိုက်ပါ။

J8 လိမ္မော်ရောင် အကွက်မှာ ဖော်မြူလာ =(DATEDIF(D6,G6,"Y")*2)+IF(DATEDIF(D6,G6,"ym")>=6,2,0) ဆိုပီး nested လုပ်ပီးတွက်ထားတယ်။ (၉၄)မှတ် ရနေတယ်နော။ လက်တွက်တွက်ပြီးချိန်ကိုက်ကြည့်ပါ။ ကွက်တိနော

ကဲ ဒီလောက်ဆိုအဆင်ပြေပါပီနော

ကျနော့ဘလော့ကို လာရောက်ကြည့်ရှုတဲ့အတွက် ကျေးဇူးအထူးတင်ပါတယ်။

Missing Tips and Trips Guide in Excel ဆိုတဲ့ Title နဲ့ ကျနော့ဘလော့မှာ မကြာခင် ဆက်လက် တင်ပေးသွားမှာမို့ နောက်လဲ လာလည်ကြဖို့ ဖိတ်ခေါ်ပါတယ်ဗျား.....
မူရင်း excel file ကိုအောက်ပါလင့်ကနေဒေါင်းယူနိုင်ပါတယ်။ မြန်မာ ၃ ဖောင့်နဲ့ပါ။
https://drive.google.com/open?id=0B787B3kCS60iaXdTTzV5cGYwSVk&authuser=0 
ဗီဒီယိုဖိုင်ဒေါင်းဖို့ link ပါ။
https://drive.google.com/open?id=0B787B3kCS60iVkNNdWV5RUdzS0U&authuser=0

  tutorial pdf ဖိုင်ဒေါင်းဖို့ link ပါ

https://drive.google.com/open?id=0B787B3kCS60iMkZ4RmNNV3hxUXM&authuser=0